A FRUGA presente nas manifestacións históricas do sindicalismo nacionalista

Imaxen da manifestación da Folga Xeral en Lugo

Compostela, 30 de marzo de 2012.- A xornada de onte serviu para demostrar a fortaleza do sindicalismo nacionalista na Galiza. Centos de milleiros de persoas participaron da Folga Xeral con mais seguimento da história do País. Nela pariciparon non só asalariados e asalariadas; labregos e labregas agrupados na FRUGA participaron das distintas marchas e manifestacións que percorreron o País en resposta as contínuas agresións que o Partido Popular ten reservadas para as nosas clases populares, e que teñen na nova reforma laboral unha especial significación polo que representa de retroceso nas conquistas sociais que desde o mundo do traballo se teñen conseguido tras décadas de loita.

Ler mais

A FEDERACIÓN RURAL GALEGA-FRUGA PRESENTA ALEGACIÓNS Á PROPOSTA DE AMPLIACIÓN DA REDE NATURA 2000 DE GALIZA

 

Criminalización da actividade agraria e a imposición desta ampliación sen a necesaria participación social centran as alegacións presentadas
Lugo, 27 de marzo de 2012.- A finais de Decembro de 2011 a Xunta de Galiza presentou a proposta de ampliación da Rede Natura 2000 de Galiza e aí deu comezo o debate público do incremento en superficie dunha das
políticas ambientais de maior calado na Galiza.

Ler mais

FRUGA denuncia a complicidade da Xunta no intento de endebedar máis ás explotacións gandeiras coa excusa da seca

A Xunta, en lugar de aliviar a situación económica derivada pola seca, pretende que subscriban máis créditos coas entidades bancarias

Lugo, 23 de marzo de 2012.- A situación de escaseza de chuvias está provocando importantes perdas económicas ás explotacións gandeiras galegas. Este pasado inverno foi un dos máis secos dos últimos cincuenta anos polo que xa comeza a ser alarmante e, á espera do que poida acontecer nesta primavera que comeza, a falta de chuvias está sendo a día de hoxe unha nova dificultade que suma o sector.

Ler mais

Celebrada a I Asemblea Nacional toca porse a traballar

“Galiza rural, orgullosa de ser” pasa de lema da Asemblea a consigna sindical, coa vista posta nas eleccións aos consellos reguladores.

Agora é o tempo de por en prática os acordos asembleares.

Compostela, 22 de marzo de 2012.- A ciclo sindical encetado hai mais de dous anos coa asemblea fundacional da FRUGA pechouse este pasado sábado 17 de marzo coa celebración da I Asemblea Nacional da Federación Rural Galega. Estes dous anos foron unha dura proba que serviu para demostrar a necesidade de organizar o sindicalismo agrário nacionalista mais serviron para confirmar que esa demanda popular era capaz de encarnarse na organización da que hoxe temos o orgullo de facer parte. Esta asemblea serviu para armármonos ideoxicamente frente às novas agresións que sofre o noso agro, mas tamén frente a aquelas que historicamente veñen marcando o vieiro do sindicalismo agrário nacionalista que ten hoxe na FRUGA a sua expresión organizada.

En breve poremos à vosa disposición os textos completados coas achegas e emendas aprovadas no acto de Silleda, asi como a listaxe completa da nova Dirección Nacional.

 

Presentada en Lugo a I Asemblea Nacional da FRUGA

O encontro que se celebra baixo o lema de “Galiza Rural, Orgullosa de Ser” congregará á filiación da FRUGA este sábado en Silleda

Lugo, 14 de marzo de 2012.- Na xornada de onte presentábase en Lugo a I Asemblea Nacional da FRUGA. Ademais de facer un repaso às liñas xerais que marcan as teses a debate na mesma, fíxose fincapé noutras cuestións fundamentais para o futuro do noso agro. Así Xurxo Álvarez, presidente da FRUGA, lembrou a importancia de definir desde a Galiza unha postura clara a respeito da reforma da PAC e a necesidade de obter desde o goberno da Xunta un apoio claro e decidido à actividade agrogandeira na Galiza e unha posición firme na defensa dos homes e mulleres do noso rural.

Ler mais