Namentres outros agardan que lles dean ordes de Madrid, e acordan agora reclamar o que criticaron até a saciedade da Consellaria Nacionalista no Medio Rural, a FRUGA inicia unha serie de asembleas que terán o seu colofón nunha manifestación nacional
Compostela, 13 de setembro de 2012.- Estes días estamos a presenciar o que non pasan de ser mais que penosas procesións coas que as formacións sindicais de obediencia española pretenden lavar a faciana logo de tres anos de inactividade absoluta no sector leiteiro, tres anos que coinciden precisamente co goberno do Partido Popular na Xunta. Precisamente é neste período cando o sector lácteo galego está a sufrir as mais grandes agresións dos últimos tempos, co silencio cómplice dos que agora pretenden erixirse, novamente, nos seus salvadores. É por isto que desde a FRUGA, e desde a nosa propia dinámica, sen interferencias madrileñas e sen obrigar aos nosos produtores e produtoras a compartir “protagonismo” cos seus homólogos de Almeria ou Valencia, lanzamos xa ai alguns dias unha campaña dirixida a recuperar a dignidade e o protagonismo no sector da que é a principal potencia produtora de leite do estado. Así, sen submisións e coa vista posta no País, os nosos setores produtivos poden ser defendidos sen ter que estar constantemente agardando o consentimento de quen ten que pasar antes por Madrid para pedir permiso e recoller instrucións. Podes acceder á volantina editada para esta campaña na seguinte ligazón: 12-09-11 Pnflto LEITE(1)
A primeira das xuntanzas xa se celebrou na Pastoriza. A continuación reproducimos o calendario das asembleas xa fixadas para vindeiras datas:
Follow
