AGARB parabeniza povo venezuelano pola vitória eleitoral do chavismo

 

A Associaçom Galega de Amizade com a Revoluçom Bolivariana, da que fai parte FRUGA, emite o seguinte comunicado logo da importante vitoria eleitoral das forças da esquerda revolucionária na Venezuela

Compostela, 9 de dezembro de 2013.- Os resultados das eleiçons municipais de onte na República Bolivarina da Venezuela confirmam a consolidaçom do processo revolucionário em curso.
Os resultados preliminares emitidos polo Conselho Nacional Eleitoral (CNE) constatam a ampla vitória das candidaturas das forças e organizaçons políticas articuladas no Grande Pólo Patriótico (GPP) que alarga assim a vantagem eleitoral das presidenciais de abril.
Som de momento 210, mais de 75%, o número de presidências de Cámara atingidas polo PSUV e as forças aliadas, das que 13 correspondem a capitais de estados.
O chavismo logrou 5.111.336 votos (49.24%) e as forças da direita 4.435.097 (42.72%). Outras candidaturas conseguírom 833.731 votos (8.03%).
Lamentamos que a oposiçom reacionária e vendepátrias mantenha ainda por um estreito margem algumhas da principais alcaldias, com destaque para a Alcaldia Metropolitana e Maracaibo, e conquistara algumhas urbes tam importantes como Valencia, Barquisimeto, Mérida ou Barinas.
Também transmitimos a nossa preocupaçom pola elevada taxa de abstençom, de perto de 40%.
Porém a avaliaçom global é mui satisfatória pois a direita próimperialista fracassou mais umha vez na sua tentativa de derrotar eleitoralmente as forças revolucionárias e chavistas. Nom devemos esquecer que a Mesa da Unidade Democrática -que aglutina os partidos vendepátrias-, pretendérom converter as municipais num plebiscito contra o Presidente Nicolás Maduro e a Revoluçom Bolivariana. O resultado é um novo fracasso do imperialismo ianque e os seus aliados no País.
Os resultados de onte devem servir para aprofundar na via socialista da Revoluçom Bolivariana, avançando a implementaçom do “Plano da Pátria” elaborado polo comandante Hugo Chávez.
AGARB ratifica mais umha vez o seu apoio e solidariedade com o processo bolivariano, com o governo de Nicolás Maduro e com as forças políticas e sociais que o apoiam.
 
Diretiva da Associaçom Galega de Amizade com a Revoluçom Bolivariana