A FRUGA solicitou unha reunión coa Sub-delegada do goberno na Coruña para tratar da situación das feiras e mercados.

SUBDELEGACIÓN DO GOBERNO EN A CORUNHA.

D. Xurxo Álvarez Pérez, em nome e representaçom da Federación Rural Galega – FRUGA, em exercício das competências que lhe atribuem os Estatutos, como presidente da mesma dirijo-me a essa subdelegaçom do Governo do Estado espanhol na Corunha com o fim de solicitar uma reuniom presencial ou telemática para tratar da situaçom na que se encontram as feiras e mercados tradicionais de carácter alimentar.

Tendo de conta a confusom existente a respeito da celebraçom das feiras e mercados alimentares com motivo da pandemia do Covid-19, é do nosso interesse manter uma reuniom com o fim de esclarecer a situaçom na que se encontram estes eventos comerciais na província da Corunha.

Se toda atuaçom governamental tem por objeto garantir o abastecimento alimentar de toda a povoaçom, permitindo que abram as grandes áreas comerciais com fins alimentares, assim como os hipermercados e supermercados, desde a FRUGA entendemos que as feiras e mercados agroalimentares cumprem uma funçom inestimável à hora de subministrar produtos agroalimentares de proximidade sanos, seguros e de qualidade, e pelo tanto de circuitos curtos, a toda a povoaçom que tem por costume acudir a este tipo de mercados e feiras.

Ao mesmo tempo muitos agricultores e agricultoras têm o seu médio de vida na venda direta das suas produçons, pelo que de ser proibida esta atividade veriam-se absolutamente desamparados por parte da Administração, sem poder dar saída aos seus produtos e, por tanto, privados de ingressos em tanto durem estas medidas, que já se está dando por feito que podem durar vários meses.

Do que estamos a falar é dos mercados e feiras com caráter exclusivamente agroalimentar, e não dos conhecidos como “mercadilhos”.

Em Santiago de Compostela, a 16 de março de 2020.