Outras comunidades do Estado español xa as puxeron en práctica.
Sárria, 29 de setembro de 2023. Nestes últimos días estamos a observar como aumenta o número de casos da Enfermidade Hemorráxica Epizoótica (EHE), ocasionando perdas importantes nas ganderías que a están a padecer.
Desde perdas de produción mesmo pode causar a morte de animais, custos considerábeis dos tratamentos, toda unha serie de consecuencias que minguan notablemente os ingresos das explotacións gandeiras que están a sufrir esta enfermidade.
Actualmente xa houbo varias comunidades autónomas do Estado español, que decidiron activar un sistema de axudas para paliar os danos ocasionados por esta enfermidade, concretamente Aragón, Castela-Leon e Cantabria.
Desde FRUGA exiximos-lle á Xunta da Galiza, que poña en marcha de modo urxente un sistema de axudas para todas as gandarías que se vexan afectadas pola EHE, tendo en conta que estamos a falar de que na Galiza xa apareceron varios casos, e algúns pendentes de confirmación, sobre todo considerando a importancia que ten o sector gandeiro, tanto desde o punto de vista da produción final agraria no contexto da economía da Galiza como numericamente no que ten a ver co censo de animais.
FRUGA entende que a día de hoxe xa debería estar en marcha un sistema de axudas que compense as perdas sufridas polas granxas galegas, e non entendemos como a Consellería do Medio Rural non activa estas axudas, algo que amosa o nulo interese que mostra para con este sector tan importante para o rural do noso País.
Outras comunidades do Estado español foron pioneiras, na posta en marcha destas axudas, esperemos que Xunta da Galiza non fique por tras e anuncie dunha vez esta liña de axudas. Os sectores gandeiros así o demandan, non temos porque sufrir as consecuencias dunha enfermidade que as gandeiras e os gandeiros galegos non provocamos
Follow
