E foi a LIX Festa do Albariño, a adicada a Alvaro Cunqueiro, a que premiou á Pazo da Bouciña de Arousana de Bebidas, adega asociada a AGV, e distinguiu a Rosa Míguez, Roseta, tamén socia da AGV como Xóven Albariñesa e taména Xavier Castro como folla de plata, polo seu incasable labor de historiar a cultura do viño na Galiza, e tamén aos técnicos Diego García (Coop. Rosalía de Castro), Miguel Tubio (Martín Codax) e Alberto Barral (Condes de Albarei), e nos distinguiriamos especialmente o traballo do Consello Regulador ao que hai que cumprimentar pola novidade do Túnel do Viño, da que fixo unha moi boa crónica o noso amigo Antonio Portela no seu blog Viticólogo dos Bagos, tamén dar os parabéns pola distinción comno Albariñeses/as de Honra a Mercedes González por parte de Gallaecia e Marina García da AGASU, polo seu traballo infatigable por colocar os nosos viños entre a xente e que así os entendan e sobre todo que os beban.
Pois como comentabamos Pazo da Bouciña levou o 1ª premio, un premio a unha esforzada adega do Salnés, Arousa de Bebidas, situada á carón do Pazo Baion en Vilanova de Arousa. Constituída en 1999, coa primeira colleita no 2000, actualmente xestiona máis de 22 has divididas en moitas parcelas e das que seleccionan a mellor uva con equilibrio de grado, acidez e pH para o mosto xema con que se elabora Pazo da Bouciña, case todos o viñedos están en parral alto, a adega saca 100.000 botellas ao ano nas que tamén elaboran a marca Valdemonxes…xa tiveran distinción en Acios de plata e bronce da Cata dos Viños Galegos e algún Baco, transmitir a nosa noraboa a Germán Martínez Novo o seu administrador e Lino Domínguez Torres o Xerente. Este premio colle a testemuña doutra adega asociada AGV como foi Coto Redondo de As Neves que o ano pasado tamén tivo o 1º premio.
Sobre Rosa Míguez comentar que é unha técnica que traballa na Adega Terras Gauda no Rosal desde hai 3 anos, previamente estivo na Ribeira Sacra e formouse na prestixiosa Granxa, da cal forma parte da Directiva da Asociación de Técnicos, nos que saiu unha boa fornada de enotécnicos/as con bo desempeño en adegas e bisbarras do país. Xavier Castro e Doutor en Historia e Profesor da Faculdade de Historía da USC, ten desenvolvido moitos traballos no ámbito da historia cultural galega, onde destaca o tema da alimentación, de feito foi o asesor da producción da serie da TVG ” O mundo de Celavella” o que daba unha explicación do contexto sociocultural da afamada “As Leis de Celavella”. No ano 2010 saiu ao prelo o seu libro “A Rosa do Viño” , unha historia cultural do viño no nos país e da cal a AGV tivo a honra de compartir co autor nunha presentación en Cabo de Cruz (Boiro). Xavier Castro ten organizado ao longo do ano 2010 unha xeira de encontros Viño, Literatura e Música nos que cada vez se adicaba a autores como Rosalía de Castro, Cunqueiro, Pardo Bazán, García Lorca, Hemingway, etc. Algunha adega asociada da AGV puido presentar o viño nos eventos que se realizaban no Lar das Meigas en Compostela, ver un artigo sobre Xavier Castro en Xornal.com.
E o que foi a festa logo da Xornada Técnica é no esperado de muitísima xente ata as tantas con botella acá para alá, e coas peñas de amigos/as coas suas camisolas lexendadas con referencias a Baco e outros tópicos viñateiros..será un adianto do renascer do consumo do viño entre mozos e mozas?, xa veremos, aínda hai moito que currar aparte de facilitar algo o prezo nas rúas de viños, tendo en conta a coxuntura, con todo agrada á vista ver tanto vidro para reciclar, e a esperar pola LX.
