E outra Feira de Valdeorras, foi, xa é un evento consolidado no quente agosto xunto ao Sil na area recreativa do Aguillón, que aporta un certo airiño como mariñeiro que atempera os rigores torridos. Esta Denominación, a de Valdeorras é a segunda DO galega en constituirse, no ano 57 por orde ministerial, abranxe sobre 1200 has e 8 concellos das cuncas dos ríos Sil e Bibei, a produción do ano 2010 foi de 3.084.793 litros de viño cun valor estimado de 13.974.000 euros.
Nas Presentacións estiveron o Alcalde de A Rúa, o Presidente do Consello Regulador Valdeorras , o Conselleiro do Medio Rural e finalmente o responsable de ler o pregón o Xornalista Extremeño Juán Francisco Sánchez Arguello , que tamén foi director do treinador de futbol Rafael Bentítez, esta escolla esta encadrada no irmanamento entre as vilas de A Rúa e Almendralejo (Badajoz), de feito o propio pregoeiro nos mandou á AGV o texto recitado en verso PREGON XIV FERIA DO VIÑO VALDEORRAS.
Na Feira coicidimos coa excursión desde A Coruña que oganizou Servino da mao de Luís Paadín co que intercambiamos impresións, tamén estaban na Feira Mercedes Gonález (Presidente da Asociación de Sumilleres Gallaecia) e Antonio Portela (Bloguista e membro de Asociación Galega de Sumilleres), e a nosa primeira visita foi á caseta de ALAN de Val, con Joaquín Sánchez e Manuel Sánchez, Jou, esta adega leva asistindo a todas as edicións salvo unha, e foi premiada coa mención especial a colleitas no Alan de Val Pedrazais Mencía Barrica 2009, unha escolla ao bó facer dos irmaos Sánchez Rodríguez.
Despois paramos na Adega do Casal, composta por 5 socios de Rubiá de Valdeorras, terra singularmente de influencia caliza ao pé da Serra da Lastra, recibiunos o seu Presidente Antonio Fernández Lorenzo e probamo outra novidade impactante, un viño branco elaborado con Mencía!, Luís Paadín matizou que é un “Blanc de Noir”, xa que é se considera unha categoría aparte pola vinosidade que aportan as castes tintas e que despistaría nas catas oficiais, o viño en cuestión se chamaba Menbram, que é composiciòn de Mencía e Branco.
Logo estivemos co amigo Francisco Núñez da Adega A Pinguela (Petín) e que levou adiante unha vella aspiración de traballar con cepas vellas e respeitar o terroir natural das ladeiras sobre o Sil, iso implica baixos rendementos e coñecer a ecoloxía da vide e o solo onde se asenta, así probamos o Mencía, que levou o 1º premio da Feira, o Garnacha e Godello da marca Ventura.
Logo en compaña de Raquel Vizcaya, viticultora de Chondouro (O Bolo) fumos visitar a adega Chan de Ouro S.L. de Chandouro, onde o seu responsable Juán nos encomendou a visitalos no día 14 de setembro, festa do Cristo de Chandouro, a adega nútrese de cepas novas e vellas de godello e mencía nestas ribeiras do Xares e Bibei.
Logo nos encontramos con Cristina Murga, unha persoeira con moita experiencia acumulada na zona, coa andaina dos viños Día e Noite e o escumoso Danza, e que agora acomente novos desafíos levando adiante a recuperación dunha viña en Petín e dirixindo a elaboración do Santa Delfina da Adega Roandi SAT que lidera Rogelio Moral, empresario radicado en Suiza e que apostou por volorar as encostas de Entoma no Barco.
Despois seguindo na compaña de Raquel Vizcaya fumos á caseta da Cooperativa Virxe das Viñas de A Rúa, cos seus afamados Pingadelo e Rúa, este último con moita soa recente pola mención especial de Robert Parker, conversamos con Daniel Vizcaya, irmao de Raquel, e con Julio Ricart, responsable da elaboración dos viños, desde logo un bó momento para relanzar proxectos desta veterana cooperativa, hai que lembrar que estas adegas que xurdiron nos anos 60 e fixeron o miragre de vender viño embotellado, isto abriu unha peza importante na valorización dos viños galegos e asi asentar mellores prezos cando outro tipo de cooperativismo se instalou nos graneis, por iso sempre unha débeda con eles e elas, os socios das adegas cooperativas de Valdeorras.
Finalmente falamos con Jorge Mazaira, Director do Organo de Control dos Viños da Denominación de Orixe de Valdeorras e que nos comomentou novidades e impresións. Finalmente démonos unha volta para visitar as Cooperativas de Larouco e O Barco e xa co recinto da Feira ateigadísimo de visitantes para despedirnos ata outra ocasión.
