Este estudo do ano 2009 pretendeu ser unha primeira pedra (ou máis ben unha máis) de outras que deben seguir para levar a cabo propostas prácticas na viticultura e vinificación no noso país. A agricultura tradicional orǵánica era un feito hai 50 anos, hoxe quedan poucos e valiosos restos na práctica de xente maior que aínda a utiliza. Xa temos moitos outros labregos que estan pondo en práctica viticultura ecolóxica para a elaboración de viños de calidade, aínda que, como moitos pioneiros nalgo hai falta de sistemización e intercambio de experiencias. Dende este primeiro estudio, a agrandar con experiencias e fontes, están trazadas as liñas maestras do que se considera importante: terroir, solo, luz, trofobiose, etc.
Dende as raíces da viña na súa intimidade co órgano-mineral do solo e pasando polo metabolismo da cepa que atrapa a luz nas follas deixando un legado que é o viño de calidade. Interveñen os microorganismos e fauna do solo, a luz, auga e os nosos preparados como compost, biofertizantes e fermentacións de plantas medicinais. O solo é valioso e debemos de perturbalo o menos posible con mulching, mínimo laboreo, etc. O concepto de protección vexetal queda obsoleto e quedará ligado a alimentación da planta. Aínda non hai moitas receitas que deben vir nos pŕoximos anos comprobadas nas nosas viñas. A experiencia en outras zonas do mundo indican que é posible practicar viticultura ecolóxica en tódalas condicións posibles, con moita ou pouca choiva, con solos máis ricos ou pobres.
Hai unha pequena introducción a prácticas que están progresando moito como é o caso da biodinámica que debe porse en experimentación para extraer máis conclusións. Aínda pouco esta feito e escrito, mais a realidade galega en cernes indica que con apoio da Administración e a colaboración e cooperación de colleiteiros/as acelerará moito o que podemos saber.
Os autores son Susana Lamas Álvarez e Xosé Manuel González Vilas. Susana Lamas é Enxeñeira Agricola con experiencia en viticultura e analise sensorial de viños que desenvolveu na comarca de Monterrei. Xosé Manuel González Vilas, Enxeñeiro Agrónomo, é membro da Asociación Galega de Viticultura.
Descarregar o estudio en pdf: estudio viticultura ecolóxica en pdf