Cun éxito de público, máis de 40 persoas, e nas que se atopaban o Xerente-Secretario do Consello Regulador da DO Rías Baixas Ramón Huidobro así como viticultores, sumilleres, hosteleiros, exportadores de viño, e polo xeral xentes con ganas de coñecer as posibilidades de armonizar gustos da cociña e os viños, todo co mellor que se pode traer da comarca como o peixe espada da frota palangreira da Guarda, as sollas do río Miño, a horta rosaleira e os viños da “Grande Armée” da subzona do Rosal, tamén había algunha sorpresa doutros lugares da Galiza.
Os 14 pratos e armonizaron cos seguintes viños: En brancos: Aforado Rosal 2010, Altos de Torona Rosal 2010, Tollodouro Rosal 2010, Quinta de Couselo 2010, Señorío da Torre 2010, Davila 2010 (crianza sobre lías), Santiago Ruíz 2010 e Terras Gauda 2010; en tintos Val Miñor 2010, Quinta de Couselo 2010, Señorío de Rubiós Viño Novo 2010, Señorío de Rubiós Sousón 2010, A Costiña (DO Valdeorras Brancellao) 2008 e para guinda un Tostado do Costeira 2007. A maioría dos viños veñen da subzona de O Rosal e en concreto todos son polivarietais a base de Albariño, Loureiro e Caiño Branco e Treixadura.
Receitas da Sumiller Mercedes González usadas na maridaxe en pdf. Descarregar aquí
A cada prato correspondeu unha armonía que se ía comentando con Mercedes González e que alongou o acto ata perto da media noite. Dos viños de podía dicir que estaban no seu mellor momento ao pasar case un ano desde a vendima do 2010, os tintos do Rosal resultaron tamén unha certa sorpresa, xa sabemos do proxecto do Torroxal que finalmente “transmutou” no actual Val Miñor, esperamos que por moitos anos e no final dáus xoias como o A Costiña 2008 da Adega ALAN de A Rúa que só sacan cando acada o Brancellao da finca Costiña a madurez fenólica desexada, e o prezado Tostado da Costeira 2007, elaborada pola Cooperativa Vitiviícola do Ribeiro e que son necesarias 9 quilos de uva pasificada para acadar unha garrafiña de medio litro.
Sendo o Peixe Espada a estrela, habia un convidado especial que sendo de mar vai desovar nas augas salgadentas e doces da embocadura do Miño, é a Solla de Río (Platichthys flesus), peixe plano moi aprezado polos pescadores da zona. E tamén houbo sitio para o Requeixo noso e tamén ensalza a adega Coto Redondo de As Neves na súa festa.
Finalmente agradecer ao esforzo de Jorge Cardoso, Coordenador da AGV no Rosal, á Directiva da Sociedade Cultural e Recreativa de San Miguel de Tabagón, o Consello Regulador de Rías Baixas, o voluntarioso cociñeiro do Restaurante As Brasas e aos outros patrocinadores do evento, e á espera de ter algún máis sen esperar á proxima vendima.
