Un ano máis nos vemos na máis anterga das festividades dos nosos viños, nade menos que 60 anos desde a primeira en Cambados, e desde a AGV queremos destacar duas actividades, aparte da propia exposición de adegas onde degustar os seus viños, por unha parte a Xornada Técnica que se organiza para o venres na tarde e o Túnel do Viño que se fai por segunda vez por parte do Consello Regulador da DO Rías Baixas e a Asociación Galega de Sumilleres AGASU. Para o resto das actividades podédelas descargar Programa_Albariño_2012
Na Xornada Técnica haberá tres temas de moito interese, como pode ser aspectos enolóxicos como o papel do oxixeno na fermetación e evolución dos viños brancos, papel moitas veces aínda contradictorio na sua avaliacion, xa sexa no positivo ou no perxudicial. Despois se tratarán aspectos ligados á ampelografía da caste posiblemente máis estudiada do nos país, por unha banda a selección clonal que se aborda desde diferntes centros de pesquisa e experimentación e por outra o estudio das orixes do albariño, que seguro que moita xente non o temos claro. No Túnel do Viño que organiza a AGASU para o Consello Regulador dicir que tivo moi boa acollida no ano pasado coa primeira tentativa, precisamente a petición dos representantes da AGV no Consello Regulador da DO Rías Baixas.
Presentación recente dos viños de Rías Baixas na Coruña. Fonte Javier Vilas
Xornada Técnica do día 3 no Museo Etnográfico e do Viño
16:30 h. Presentación das conferencias.
16.45h. Oxíxeno e viño branco: inimigos íntimos.
José Manuel Álvarez. Licenciado Ciencias Químicas. Departamento de
Investigación Aplicada AEB Ibérica- AEB-Group.
17.45h. Resultados da selección clonal do cultivar Albariño.
María José Graña Caneiro Enxeñeiro Agrónomo Estación
Experimental de Viticultura e Enoloxía de Ribadumia.
18.45h. O Albariño e os liñaxes galegos da vide.
Emilia Díaz Losada-Dra Bioloxía. Estación de Viticultura e Enoloxía de
Galicia EVEGA. Santiago Pereira Lorenzo-Enxeñeiro Agrónomo
Catedrático da USC (Escola Politécnica Superior Campus
Lugo)
Túnel do Viño no ano 2011 en Cambados. Fonte AGASU
Túnel do Viño nos día 2,3 e 4 de agosto, xoves, venres e sábado.
11-13.30h/18-20.30h Túnel Profesional do Viño organizado
polo Consello Regulador da D.O. Rias Baixas, no Salón de
Congresos e Exposicións José Peña. (15€/persoa).
