O Diario Oficial de Galicia vén de publicar, o pasado 24 de xullo, a orde que autoriza a modificación do actual regulamento da Indicación Xeográfica Protexida Barbanza e Iria. Os cambios foron solicitados polas asociacións de viticultores e adegueiros, co obxectivo de adaptar a normativa da IXP ás circunstancias máis actuais.
Estas mudanzas inclúen a incorporación da caste merenzao, unha uva que até este momento estaba excluída neste territorio. Así mesmo, outro dos cambios é o aumento dos rendementos para as uvas brancas, que pasan de 10.000 kg por hectárea a 12.000. Por último, outra das variaicóns ten que ver cos parámetros analíticos, onde se incrementan os valores máximos autorizados da acidez volátil e do contido en anhídrido sulfuroso.
- Descarga aquí o Prego da IXP Barbanza e Iria