O SECTOR VITIVINÍCOLA GALEGO E A CHAMADA “NOVA NORMALIDADE”

O Sector vitivinícola galego segue a demandar medidas para facer fronte á nova situación socioeconómica creada polo coronavirus.

     Nestes días, os responsables da administración do estado e da Xunta de Galiza comezaron a transmitir mediaticamente que a situación de crise sanitaria empeza a estar controlada, e tiveron lugar as primeiras discusións entre os líderes políticos sobre de se debe renovarse o estado de alarma, máis aló do día 10 de maio, e como facer o proceso que se deu en chamar “desescalada” para a tamén bautizada como “nova normalidade”.

     Esta situación que, teoricamente en principio, permite empezar a ver a saída do túnel para a sociedade e a actividade económica galega, no caso do sector vitivinícola da Galiza non achega factores, e feitos, que permitan empezar a despexar as incógnitas sobre a viabilidade económica futura para moitas iniciativas, privadas e colectivas, que naceron nos últimos anos nun dos sectores económicos máis puxantes antes da crise sanitaria en Galiza.

     Desde a declaración do estado de alarma sanitaria, e xa vamos para case dous meses, por parte da AGV-FRUGA veuse solicitando da Consellería do Medio Rural do Goberno Galego, que é quen ten ás competencias na materia, que se traballara en dous eixos que entendemos fundamentais para a xestión da crise económica que se veu enriba e que pode pasar unha factura moi cara ao sector se a administración galega non ten unha actuación clara e definida de apoio a esta actividade económica e aos seus axentes. Facendo memoria estes eixos son:

  • Habilitación de liñas de axudas (fiscais, financeiras, de apoio ao mantemento de emprego…) que permitan facerlle fronte aos gastos en que se incorren (xa que a actividade agrícola non se pode paralizar), e a falta de ingresos (porque as vendas si que se paralizaron co peche do canal HORECA e as exportacións.
  • Elaboración dun plan de apoio ao sector vitivinícola para o “día despois”. Un plan que apoie a valoración dos nosos viños entre os consumidores, dentro e fóra de Galiza, e a recuperación do consumo

     Neste tempo, máis aló de algunha declaración aos medios de comunicación, a algunha medida que parece máis pensada para abrirlle outra liña de negocio á banca que de verdadeira axuda aos axentes do sector vitícola galego, ou algunha iniciativa máis mediática que de base real para afrontar os problemas, non se teñen producido avances claros e concretos na cimentación de liñas de traballo nas que o sector se poida apoiar para reconstruír o seu futuro.

     Nestes momentos, cos prazos que se están a manexar para a “normalización” da actividade económica e social, e coa ameaza de posibles rebrotes da pandemia de cara finais do presente ano, a situación para o sector lonxe de irse aclarando vaise volvendo máis preocupante.

     No mes de setembro podemos atoparnos que as adegas inda non teñen dado saída ao viño de colleitas anteriores, pero xa terán enriba a vendima do presente ano e sen capacidade física de almacenamento para ela, perante desta situación faise necesario que por parte da administración galega se habilite un plano que permita dar saída aos excedentes almacenados nas adegas.

     Nese momento a crise, que agora golpea principalmente nas vendas das adegas, chegará tamén ás persoas viticultoras que se verán coa uva nas vides e sen que ninguén llas merque ou lles ofrezan prezos por debaixo dos custos de explotación, co fin de evitar que se chegue a estes extremos desde a AGV-FRUGA, propomos a instauración dos contratos homologados ligados a un prezo que cando menos cubra os custes de produción. É dicir: todo o sector vitivinícola galego, do que dependen moitas familias, estará nunha profunda crise que afondará máis na grave situación de abandono e despoboamento que sofre o noso rural. Para establecer a estratexia a seguir perante a nova vendima, nas distintas DO e IXP, desde a AGV-FRUGA consideramos conveniente a convocatoria das mesas do viño das distintas áreas xeográficas.

     Estamos a moi poucos meses de que a situación no sector vitivinícola galego suba un chanzo máis da grave crise económica en que está actualmente, por mor das medidas adoptadas para facerlle fronte á crise sanitaria, e que se suma a outros problemas estruturais internos e externos que de por si xa tiña que enfrontar.

     Desde a AGV-FRUGA segue a facerse un chamamento ao Conselleiro do Medio Rural, e por elo tamén ao Presidente da Xunta de Galiza, para que facendo uso das competencias que teñen asumidas se desenvolva, a traveso do diálogo co sector, un Plan Estratéxico Vitivinícola Galego.

     Un plan no que teñan cabida tanto as necesidades das adegas como as das persoas viticultoras. No que se habiliten liñas de axudas directas da administración ás persoas viticultoras e adegas para facerlle fronte á situación de crise económica, actual e dos meses posteriores na fase de entrada na “nova normalidade”, iniciativas de promoción e consumo dos viños galegos tanto a nivel interno como externo, a posta en marcha dun Observatorio Galego de Prezos que permita ter datos para o establecemento de contratos homologados con prezos entre viticultores e adegas, ligando as axudas ao establecemento dos mesmos, así  como as medidas que se estimen necesarias para revitalizar o sector.

05/05/2020

 

Print Friendly, PDF & Email
  • email
  • Meneame
  • Chuza
  • Facebook
  • LinkedIn
  • Twitter

Reunión da AGV co Subdelegado do Goberno de Ourense

O pasado 5 de outubro, a  Asociación Galega de Viticultura, integrada na Federación Rural Galega -FRUGA-, reuniuse co Subdelegado do Goberno de España en Ourense para tratar con carácter de urxencia o acoso que están sufrindo os viticultores e viticultoras de Ourense por parte do Ministerio de Traballo, Migracións e Seguridade Social a través das inspeccións de traballo durante a presente vendima.

Estas inspeccións teñen un carácter intimidatorio e atacan a forma tradicional de traballo colaborativo e solidario do rural galego. Tanto é así, que algunha das persoas afectadas por estas inspeccións relata que perante a resposta de que as persoas traballadoras son familiares, amigos ou veciñas da persoa titular da viña, mesmo chegan a preguntar onde é que comen: se a resposta é que xantan na casa do dono da viña, esta comida pode ser considerada como unha retribución en especie, o que explicaría unha suposta relación laboral e por en consecuencia, unha sanción.

Desde a Asociación Galega de Viticultura non estamos por amparar irregularidades, como que traballadores temporais pasen por persoas colaboradoras en detrimento dos seus dereitos laborais, mais si reclamamos un trato diferenciado para estes casos de traballo de tipo colaborativo e solidario que sempre se deron tradicionalmente no agro galego na vendima, ensilado, recollida do millo, malla etc.

No transcurso da reunión, Xurxo Álvarez, presidente da FRUGA, e Marcos Reboredo, viticultor de Ourense, pedíronlle ao Subdelegado que garantira que non vai haber sancións por este tipo de colaboracións despois das inspeccións da presente vendima. Así mesmo, tamén se lle solicitou que se estudara a actual normativa laboral vixente para que contemplara o traballo en común, desinteresado, solidario e de colaboración social. Na mesma liña, os representantes da AGV transmitíronlle a Emilio González a necesidade de facilitar a tramitación da contratación para traballos tan específicos, curtos e puntuais como pode ser a vendima ou outros similares liagados ao agro.

 

 

Print Friendly, PDF & Email
  • email
  • Meneame
  • Chuza
  • Facebook
  • LinkedIn
  • Twitter

Técnica e Novas: novo boletín da AGV

Desde o mes de xuño sae semalmente, como servizo aos asociados e asociadas da AGV o boletín Técnica e Novas, que supón unha ferramenta áxil e útil para as necesidades da nosa viticultura, con especial seguimento das problemáticas agronómicas como a fitopatoloxía, as técnicas de manexo, solos, etc. Tamén recolle os informes sobre situación vexetativa … Ler máisTécnica e Novas: novo boletín da AGV

Print Friendly, PDF & Email
  • email
  • Meneame
  • Chuza
  • Facebook
  • LinkedIn
  • Twitter

Taller dos licores en Monterrei

O pasado 22 de marzo rematou o Taller de Elaboración de Licores Tradicionais organizado pola AGV, que tivo lugar na Casa da Cultura de Albarellos (Monterrei), no que 20 alumnos e alumnas aprenderon do mestre-enólogo Manuel Sanchez, en 5 xornadas de 2 horas, a elaborar distintos licores: – Licor de Herbas de Galicia – Licor … Ler máisTaller dos licores en Monterrei

Print Friendly, PDF & Email
  • email
  • Meneame
  • Chuza
  • Facebook
  • LinkedIn
  • Twitter

AGV Boletín nº3

O cuarto dos boletíns editados pola AGV, cun especial sobre o comportamento do Albariño en diferentes sistemas de conducción extraído das Xornadas Técnicas realizadas na Festa do Albariño. Tamén falamos da nosa presenza nas distintas Feiras do Viño de Cambados, Monterrei, Valdeorras, Salvaterra e Mandín Descarregue Boletín AGVnovas nº3

Print Friendly, PDF & Email
  • email
  • Meneame
  • Chuza
  • Facebook
  • LinkedIn
  • Twitter