O Presidente da AGV participou na cata da VIII Mostra do viño de Vilaboa

A Asociación Galega de Viticultura felicita ás persoas viticultoras e adegueiras do Morrazo polo gran éxito dos primeiros pasos da Indicación Xeográfica Protexida Ribeiras do Morrazo.


O presidente da AGV, Roberto Rivas Reboredo, participou na cata da VIII Mostra do Viño de Vilaboa, un evento clave e consolidado na promoción do viño da IXP Ribeiras do Morrazo.

Ribeiras do Morrazo está nun momento clave para o seu desenvolvemento, pois estes primeiros anos son fundamentais para crear unha dinámica positiva que permita que cada vez máis persoas se animen a sacar adiante proxectos vitícolas arredor desta figura de protección que supón a IXP, e eventos destas características supoñen un importante escaparate o viños que xa elaboran ao amparo de Ribeiras do Morrazo.

 

Print Friendly, PDF & Email
  • email
  • Meneame
  • Chuza
  • Facebook
  • LinkedIn
  • Twitter

Análise e conclusións da xornada: “A viticultura galega ante a encrucillada do 2030”.

Análise e conclusións, achegadas durante a Xornada, sobre as implicacións que para a vitivinicultura galega pode supoñer a reforma da PAC proposta pola Comisión Europea.

O 26 de xaneiro de 2019, no Pazo da Cultura da Cidade de Pontevedra, tivo lugar a celebración da Xornada de debate e análise: A VITICULTURA GALEGA ANTE A ENCRUCILLADA DO 2030.

A Asociación Galega de Viticultura (AGV), organizou esta xornada co obxectivo de difundir e debater, entre os axentes do sector vitivinícola galego, os aspectos máis salientables da proposta de reforma da OCM (Organización Común de Mercados dos Produtos Agrarios), que a Comisión Europea está a impulsar na reforma da Política Agraria Común (PAC), e a modificación do regulamento 1308/2013, así como a prevista liberalización do sector a partir do ano 2030, co fin do actual réxime de autorización de novas plantacións de viñedo.

Na AGV entendemos que calquera modificación do marco normativo europeo, do sector vitivinícola e o seu mercado, merece unha análise e debate entre os seus axentes. Análise e debate do que extraer unhas conclusións que permitan: en primeiro lugar facer as achegas oportunas ás administracións competentes na materia en defensa dos nosos intereses, e no segundo ir adoptando estratexias e plans de traballo, tanto a nivel particular como colectivo, que nos permitan chegar á data de introdución das modificacións nas regras de xogo, nas mellores condicións posibles para garantir non tan só a supervivencia do sector, senón un crecemento sostible que consolide a viticultura galega como un sector económico de primeiro orde para o País, e que este contribúa a xerar riqueza no medio rural axudando a inverter a curva de esmorecemento e abandono na que está inmerso nas últimas décadas.

  Descarga aquí o   Resumo Final_Completo (1)

Print Friendly, PDF & Email
  • email
  • Meneame
  • Chuza
  • Facebook
  • LinkedIn
  • Twitter

Xornada informativa no Concello de Pontevedra destinada aos viticultores da IXP Ribeiras do Morrazo

A Asociación Galega de Viticultura (AGV) levará a cabo unha xornada informativa no Concello de Pontevedra destinada a todas as persoas viticultoras da IXP Ribeiras do Morrazo para explicar polo miúdo os procesos de control e certificación na produción de uva, o prego e condicións da IXP Ribeiras do Morrazo e todos os procesos administrativos para … Ler máisXornada informativa no Concello de Pontevedra destinada aos viticultores da IXP Ribeiras do Morrazo

Print Friendly, PDF & Email
  • email
  • Meneame
  • Chuza
  • Facebook
  • LinkedIn
  • Twitter

Celebración da 1ª Mostra do Viño Galego de Laxe (A Coruña) 24/03/2018

A 1ª Mostra do Viño Galego “Beber do País” do Concello de Laxe, tivo lugar  o 24 de marzo, de 2018, no Museo do Mar de Laxe dentro do programa de actividades “Inverno Gastronómico e Enolóxico”, que organiza a Concellería Delegada de Comercio, Hostalería e Turismo do Concello de Laxe.

O evento, organizado pola Asociación Galega de Viticultura (AGV), contou co apoio, ademais do propio Concello de Laxe, da Deputación da Coruña.

Presentáronse viños de 17 adegas galegas, das cinco DO e de tres IXP. E  os visitantes tiveron a oportunidade de probar e valorar até 39 marcas de viños galegos (20 brancos, 18 tintos e 1 escumoso branco).

 

 

 

Ler máisCelebración da 1ª Mostra do Viño Galego de Laxe (A Coruña) 24/03/2018

Print Friendly, PDF & Email
  • email
  • Meneame
  • Chuza
  • Facebook
  • LinkedIn
  • Twitter