CURSO DE CULTIVO E PODA DE VIDES EN A GUARDA
A partires do día 9 de decembro terá lugar no local da CIG de A Guarda un curso de poda de vide de 30 horas de duración, con 5 horas prácticas en vides da zona de O Rosal (Pontevedra)
Para máis información chamar aos teléfonos: 672 08 55 34 ou 986 61 04 65
Nas ladeiras miñotas da Ribeira Sacra no Batuxo en Belesar (O Saviñao) haberá unha interesante actividade de divulgación e debate encol da viticultura ecolóxica, precisamente no lugar onde Esther Teijeiro hai moitos anos iniciou as prácticas recoñecidas no regulamento de agricultura ecolóxica que comenzaba súa andaina neses dáis. Entre outra xente desta a participación de Roberto Regal da Ribeira Sacra (enólogo, elaborador, empresario de servizos vitícolas e tamén neto da Esther Teijeiro), Manuel Docampo da adega Leive (DO Ribeiro) e Natalia Rodríguez (DO Rias Baixas), os citados, asociados á AGV-FRUGA. Tamén sinalar a presencia do noso amigo e colaborador José Luís Mateo da DO Monterrei.
Vedes ver o programa pinchando Programa Seminario VITI.
O pasado 22 de marzo rematou o Taller de Elaboración de Licores Tradicionais organizado pola AGV, que tivo lugar na Casa da Cultura de Albarellos (Monterrei), no que 20 alumnos e alumnas aprenderon do mestre-enólogo Manuel Sanchez, en 5 xornadas de 2 horas, a elaborar distintos licores:
– Licor de Herbas de Galicia
– Licor Café por dous métodos
– Licor de mel
– Licor de figos
– Licor de Castañas
– Licor de laranxa
E cremas:
– Crema de augardente
– Crema de licor de herbas
– Crema de café
Con ampliación de coñecementos teóricos sobre a destilación, as herbas aromáticas, medida e rebaixe da graduación alcohólica…
Na última xornada os/as asistentes poideron catar os seus licores e cremas, e fóiselle entregado un Diploma e un Manual de elaboración con moitas máis recetas.
Tamén levaron unha pequena mostra do que esperemos que sexa o primeiro de moitos licores que elaboran os participantes deste taller, para que sigan a tradición galega do licor café e demáis bebidas espirituosas con produtos da terra.
Despois de Melide e Tomiño temos un novo Curso desta nova xeira de Outono que dará continuidade en Bueu, Arbo, Lalín, Verín e a Pobra do Caramiñal. Nesta Ocasíón temos a Alexandre López Castro como mestre, xa estivo con nos en Vigo, Vilaza (Monterrei) e A Rúa, el é titulado como “Licenciado en Enológia pola Universidade de Tras os Montes e Alto Douro” de Vila Real en Portugal, ten traballado para adegas de Valdeorras e Cataluña e tamén nas Rutas do Viño de Valdeorras e Monterrei.
Nesta ocasión temos o apoio do Concello do Barco de Valdeorras na persoa de Mónica Redondo, Técnica de Emprego do mesmo Concello, e xa hai anotadas 30 persoas no presente curso.
Ímonos ao Baixo Miño, en concreto a Tomiño, un espazo de encanto e que crea vida, tamén de boas viñas e non menos afamados viños. O curso vai ser impartido por José Luís Fernandez, enotécnico e elaborador do Ribeiro que asesora varias adegas do país. Temos que agradecer ao Concello de Tomiño, e a súa Alcaldesa Sandra González pola colaboración prestada así como a Asociación ecolóxica e cultural Trankllada. Queremos tamén comentar e destacar o grande traballo de xigante feito por un tomiñés chamado Joáquín Álvarez Martínez, ou Quín de Goián, que coa participación ou asesoramento en diversos empredimentos vitícolas e viveirísticos como pode ser Terras Gauda, Torroxal, Viñedos de Goián, Pazo Valdomiño, Viveiros Rio Tollo, Froitas do Rosal, etc.
O Quín sempre falou en prol de aumentar os rendementos da actividade agraria e utilizar ao máximo a superficie agraria e forestal, lóixicamente coa axuda de concentracións parcelarias, cooperativas, xestión forestal e por enriba de todo atender a comercialización e publicitación de productos con valor engadido como pode ser o viño, augardentes, licores, conservas de grelos, mirabeis en almibar, planta ornamental, etc. Lembrar tamén o seu papel na recuperación de castes autóctonas como a tinta Castañal, que recentemente foi engadida á lista oficial de variedades galegas prefentes e que permitiu dar unha maior diferenciación aos tintos do Baixo Miño e as técnicas innovadoras de aproveitamentos de montes para viña na que se trata de mover o mínimo posible a terra e así manter o que Quín define como “a codificación natural do solo” e que leva moito tempo a conseguir para estragala por malas prácticas. En próximas datas publicaremos máis sobre este persoeiro.
