fruga – Página 88 – Federación Rural Galega

AGV-FRUGA obtén finalmente o vogal correspondente às pequenas adegas no Consello Regulador de Valdeorras

06/06/2012 por fruga

Onte martes celebrouse o sorteo despois de que no proceso electoral a candidatura da AGV-FRUGA empatara con outra candidatura en número de votos, sendo ambas as máis votadas

Así pois FRUGA conta a día de hoxe con catro vogais nas distintas D.O do viño

Compostela 6 de xuño de 2012. Celebradas este domingo as eleccións aos Consellos Reguladores da Galiza, que finalmente só se celebraron nas Denominacións de Orixe de Rias Baixas, Ribeiro, Monterrei e Valedoras, FRUGA foi a candidatura máis votada no sector productor de Monterrei, onde obtén un vogal, e tamén a candidatura máis votada no censo productor de máis de 2 hectáreas na subzona Condado-Soutomaior da D.O. Rias Baixas. Así mesmo contamos con outro vogal na D.O. Ribeira Sacra onde se elaborou unha única lista de consenso para o seu Consello Regulador.

Ler mais

Share on Tumblr

AGV-FRUGA gañou as eleccións na Denominación de Orixe Monterrei no sector productor

04/06/2012 por fruga

A día de hoxe FRUGA ten 3 vogais nos Consellos Reguladores, gañando as eleccións tamén na subzona do Condado-Soutomaior da DO Rías Baixas.

O veto de catro candidaturas de FRUGA a varios Consellos Reguladores impide aumentar a nosa representación

Compostela 4 de xuño de 2012. Celebradas este domingo as eleccións aos Consellos Reguladores da Galiza, que finalmente só se celebraron nas Denominacións de Orixe de Rias Baixas, Ribeiro, Monterrei e Valedoras, FRUGA obtén uns resultados máis que satisfactorios para os obxectivos que nós tiñamos marcados.

Ler mais

Share on Tumblr

FRUGA anuncia accións de protesta pola fraude na concesión das axudas forestais

01/06/2012 por fruga

Comezarán o vindeiro martes en Vimianzo por ser a sede tanto da empresa como dos bancos onde se realizaron os cobros e pagamentos fraudulentos

É tamén a sede do Distrito Forestal

A FRUGA foi solicitada tamén por veciños e veciñas de Verín, onde apareceron outros 4 expedientes similares aos da Costa da Morte

Cee, 1 de xuño de 2012.- Ao redor dun cento de persoas afectadas pola presunta fraude na xestión e cobro de axudas para traballos forestais reuníronse este mércores en Buxantes para definir un calendario de protestas. O obxectivo é lograr unha resposta da Xunta às demandas dos e das afectadas, así como a resolución dun conflito que pode afectar a varios centos de veciños e veciñas da Costa da Morte.

Os e as participantes do encontro amosaron a súa preocupación, xá que moitos dos presentes eran xá coñecedores e coñecedoras da imputación de grandes cantidades de cartos en concepto de subvencións forestais para traballos en leiras que nen son da súa propiedade, e que eran directamente cobradas pola empresa imputada desde o Xulgado de Corcubión.

Ler mais

Share on Tumblr

A FRUGA concéntrase diante da Xunta para denunciar o veto ás nosas candidaturas no proceso de renovación dos Consellos Reguladores

28/05/201223/05/2012 por fruga

No trascurso da protesta solicitouse no Rexistro da Xunta unha entrevista co Presidente da Xunta Electoral para coñecer de primeira mao o motivo da nosa exclusión
Nas portas da Xunta os candidatos e candidatas excluídos amosaron a súa indignación con unha decisión que pon en cuestión todo o proceso electoral

Compostela, 23 de maio de 2012.- O pasado dia 28 de febreiro, a Consellería do Medio Rural e do Mar, publicou a Orde de 22 de febreiro de 2012 pola que se convocan eleccións e se ditan normas para a renovación dos órganos de goberno de determinados consellos reguladores do ámbito agroalimentario.

Ler mais

Share on Tumblr

FRUGA convoca unha concentración en repulsa polo veto que sufriron algunhas das nosas candidaturas nas eleccións aos Consellos Reguladores

21/05/2012 por fruga

DSCN0663 — Apresentación das candidaturas en Lugo

A Federación Rural Galega – FRUGA presenta hoxe escritos de protesta perante a Consellería do Medio Rural e do Mar e da Xunta Electoral pola discriminación á que se ven sometidas a nosas candidaturas

Ficaron excluídas do proceso electoral as candidaturas ao CRAEGA, “Tenreira Galega” e “Pataca de Galiza”

Compostela, 21 de maio de 2012.- O pasado dia 28 de febreiro, a Consellería do Medio Rural e do Mar, publicou a Orde pola que se convocan eleccións para a renovación dos órganos de goberno de determinados Consellos Reguladores do ámbito agroalimentar.

A Federación Rural Galega – FRUGA, como federación na que se inclúen distintas asociacións profesionais dos diversos subsectores da actividade agraria e como organización que ten entre os seus fins a defensa dos sectores produtivos agrarios da Galiza, presentou en tempo e forma, as súas candidaturas aos consellos reguladores mais representativos do País.

Ler mais

Share on Tumblr