Novas

A Xunta da Galiza opta por medidas cosméticas en vez de por medidas efectivas que garantan o futuro das persoas viticultoras da Ribeira Sacra, reducindo a actividade vitícola a un decorado.

Barro, 9 de xaneiro de 2025. Se en outubro a Xunta de Galiza publicou unha Orde de Axudas para a destilación de crise, tirando polo chan o prestixio da Denominación de Orixe Ribeira Sacra, o 30 de decembro publicou a tamén anunciada Orde de Axudas para a conservación do contorno paisaxístico da Ribeira Sacra. Na exposición de motivos, a Orde expresa a que lle outorga importancia a Xunta de Galiza: a que no 2026 se avalía a Ribeira Sacra para ser declarada patrimonio mundial pola UNESCO e á relevancia que ten iso para o turismo, reducindo o cultivo da vide a unha contribución “moi significativa á singularidade paisaxística desta zona”, deixando en segundo lugar a actividade vitivinícola é un sector económico fundamental, sustento da poboación que vive na zona. En resumo, e dito en poucas palabras, para a Xunta de Galiza, a Ribeira Sacra é unha paisaxe, e a actividade vitivinícola, pouco máis que un decorado.

Ler mais

Desde a Xunta de Galiza fomenta-se o desembarco de grandes grupos empresariais na viticultura galega en prexuízo das adegas propias.

Pontevedra, 13 de decembro de 2024.

A Consellería de Medio Rural da Xunta de Galiza vén de publica unha Orde de Axudas aos investimentos para a elaboración e comercialización de produtos vitivinícolas, financiadas polo Fondo Europeo de Garantía Agraria (FEAGA). Comeza, no seu obxecto, con boas intencións, que moi pronto decaen. A finalidade de mellorar o rendemento global das empresas do sector vitivinícola galego pouco ou nada ten que ver con que os beneficiarios destas axudas poidan ser grandes grupos empresariais foráneos que teñan como proxecto instalarse en Galiza.

Ler mais

O acaparamento de terras por grandes grupos, moitos deles alleos á actividade agraria, asi como as ofensivas sobre o monte comunal, xuntan-se ás iniciativas de corte industrial no que pode ser o tiro de gracia para o rural galego.

Xermade, 11 de decembro de 2024.- Desde a FRUGA levamos anos alertando da ameaza que supón para a estrutura territorial e social galega da chegada de grandes grupos empresariais, en moitos casos sen actividade previa no eido agrario, para implantar cultivos e actividades agro-industriais no noso territorio.

Ler mais

Postos en contacto coa Consellería a día de hoxe non obtivemos ningunha resposta a se esta ten pensado habilitar algunha axuda para facer fronte ás perdas ocasionadas polo furacán Kirk

Sarria, de decembro de 2024. O agro galego sufriu a principios do mes de outubro os efectos dunha climatoloxía adversa, concretamente os restos do furacán Kirk transformado en borrasca, que provocou importantes perdas nos cultivos forraxeiros do noso país. Principalmente o millo destinado a ensilar, viuse afectado notablemente como consecuencia de que unha parte do cultivo non puido ser recollido, debido os efectos da choiva, que impediu a entrada da maquinaria nas leiras. A dia de hoxe o millo forraxeiro, é un alimento clave na alimentación do gando de vacún de leite, cultivando-se na Galiza perto das 75000 he, e ficando sen recoller a dia de hoxe unha parte importante sen recoller, co cal as ganderías van sufrir grandes perdas pola escaseza dun forraxe clave para as súas racións.

Ler mais

Chantada, restaurante “Os Pendellos” 17 novembro 2024

O pasado domingo 17, no marco das Xornadas Agrarias organizadas pola Federación Rural Galega – FRUGA en colaboración coa Área de Medio Rural da Deputación de Lugo, realizouse un evento en Chantada, no Restaurante “Os Pendellos”, para abordar os diferentes problemas e retos a afrontar que ten a viticulutra na Ribeira Sacra, que está nunha situación límite.

Ler mais