FRUGA exixe que se repoñan as medidas en política agraria que tan bo resultado deron na anterior lexislatura da Xunta de Galiza ante o claro fracaso das políticas do PP
Lugo, 6 de setembro de 2012.- O sector lácteo galego atópase nunha crise nunca antes coñecida, cunha caída constante nos últimos anos do prezo que receben os productores lácteos e cunha suba dos custos de producción que se viu aínda máis agudizada nos últimos anos. Esta situación, lonxe de correxirse está sendo acentuada nos últimos tempos; serva de exemplo que no último ano o penso encareceuse en torno a un 18% e o leite baixou sobre un 10%.
Novas
A Xunta do PP dalle outro mazazo ao rural co desmantelamento do seu sistema educativo
A eliminación de Preescolar na casa, prazas de profesorado e incluso o peche de colexios discrimina ao rural galego e aumenta a desigualdade de oportunidades
Lugo, 24 de agosto de 2012.– O sector agrogandeiro galego está padecendo unha grave crise económica que está levando ao peche de explotacións nun goteo constante que parece non ter fin. A actividade agraria, motor económico do rural galego esmorece namentres a Consellería do Medio Rural e do Mar atópase “desaparecida ou morta en combate” desde fai ben tempo, mostrando deste xeito o desinterese da Xunta polo rural galego, e xa que logo dunha parte importante da poboación galega e do 85% do seu territorio.
Concentración no Barco polo lume de Valdeorras
Convocado pola Alianza por un Medio Rural Galego Vivo, na se integran tamén pola CIG, ADEGA e a ORGACCMM
O acto terá lugar o mércores ás 12 horas na Casa Grande de Viloria, no concello de O Barco
Compostela, 14 de agosto de 2012.- No mediodia de mañá terá lugar un acto de protesta organizado desde a Alianza por un Medio Rural Galego Vivo, para condenar a actuación da administración na xestión dos nosos montes e a sua protección, cuxo resultado se fai visíbel en desastres ecolóxicos e humanos como os vividos estes dias na comarca ourensá de Valdeorras.
En Lugo tamén se malla
A iniciativa municipal, que contou coa colaboración da FRUGA, enmárcase dentro da iniciativa “Vellos oficios vivos”, e neste caso serviu para recuperar a memoria histórica produtiva do rural galego, desta volta na cidade de Lugo
Lugo, 14 de agosto de 2012.- No pasado fin de semana a cidade de Lugo acolleu a recreación dunha das tarefas mais importantes no noso rural durante séculos, como é a malla.
A Federación Rural Galega-FRUGA reclama á Xunta de Galiza que deixe de agravar coas súas políticas a crise do sector lácteo galego
A Federación Rural Galega-FRUGA solicitou unha entrevista coa conselleira do Medio Rural e do Mar para buscar solucións á crise do sector
Lugo, 7 de agosto de 2012.– O sector lácteo galego esmorece nunha crise que ameaza con deixar, non só ao rural, senón ao conxunto da sociedade galega sen un dos seus motores económicos. O prezo do leite que receben os produtores continúa a caer en picado namentres os custos de produción continúan a subir nun ascenso que parece non ter fin.
O seguimento de dous dos principais indicadores no vacún de leite no último ano demostran que a rentabilidade das explotacións leiteiras continúa a baixar.