Presentada en Lugo a I Asemblea Nacional da FRUGA

O encontro que se celebra baixo o lema de “Galiza Rural, Orgullosa de Ser” congregará á filiación da FRUGA este sábado en Silleda

Lugo, 14 de marzo de 2012.- Na xornada de onte presentábase en Lugo a I Asemblea Nacional da FRUGA. Ademais de facer un repaso às liñas xerais que marcan as teses a debate na mesma, fíxose fincapé noutras cuestións fundamentais para o futuro do noso agro. Así Xurxo Álvarez, presidente da FRUGA, lembrou a importancia de definir desde a Galiza unha postura clara a respeito da reforma da PAC e a necesidade de obter desde o goberno da Xunta un apoio claro e decidido à actividade agrogandeira na Galiza e unha posición firme na defensa dos homes e mulleres do noso rural.

Ler mais

Organizando o noso rural liberamos a nosa Terra

Asemblea celebrada onte n´A Fonsagrada.

Grande éxito nas asembleas preparatórias da I Asemblea Xeral.

Coa mirada posta na convocatoria de eleccións aos Consellos Reguladores.

Lugo, 6 de marzo de 2012.- No dia de onte celebrábase a última das asembleas na provincia, preparatoria da Asemblea Xeral que FRUGA celebrará en Silleda o 17 de marzo baixo o lema “Galiza rural, orgullosa de ser”. Na mesma, ademais de debater as teses para a asemblea abordouse a nova PAC e as consecuencias que traerá para o noso agro.  Das asembleas están a sair tamén as propostas para a elaboración da nova Direción da FRUGA que terá a dificil misión de guiar à Federación a partir do dia 17, nun contexto nacional e internacional de crise e descontento social ao que non é alleo o agro galego.

“Galiza rural, orgullosa de ser”

Imaxen da Asemblea Constituinte.

Este é o noso lema para a primeira Asemblea Nacional da FRUGA

Convocadas as primeiras asembleas comarcais.

Compostela, 28 de febreiro de 2012.- Nestes días dan comezo os debates preasembleares que percorrerán o País par dar a coñecer os textos a debate na nosa Asemblea Nacional. Ademais debateremos sobre a nova reforma da PAC e a posición da FRUGA ao respecto e as nosas propostas. Así se fixo saber as filiados e filiadas da FRUGA que de seguro respostarán coa participación, o debate e innumerábeis aportacións a esta cita que abre unha nova xeira na nosa organización e que parirá non só unhas teses anovadas, realizadas desde a participación direta da filiacián, senón unha organización reforzada e pronta à asunción dos novos retos que a situación que a dificil coxuntura galega e mundial precisan. 

Ler mais

5000 PERSOAS EN DEFENSA DO AFORRO, O EMPREGO E O PAÍS.

Compostela, 14 de marzo de 2011.– No dia de onte máis de 5000 persoas percorremos as rúas de Compostela convocadas pola CIG e o BNG,  reclamando dos gobernos central e galego accións políticas en defensa do noso aforro e dos nosos sectores produtivos. A FRUGA aderiu-se à convocatória e asinou o manifesto que recollía as principais reclamacións que a sociedade rural galega ten nesta tesitura de crise xeralizada e que cobra tintes especialemente dramáticos nun pais como o noso sometido secularmente ao xugo colonial que fai que outros sexan os que decidan o futuro das nosas caixas de aforros, das nosas pensións ou a negociación dos prezos das nosas producións agrícolas e gandeiras, en moitos casos coa complicidade das chamadas “organizacións agrárias”, teoricamente de distinto signo mais sospeitosamente coincidentes à hora de deixar à Galiza fóra de xogo e sen capacidade para decidir o futuro dos nosos gandeiros e gandeiras.

Desde a Federación Rural Galega reafirmamos o noso compromiso co País e con aquelas organizacións irmáns que desde o nacionalismo loitan pola defensa do noso medio de vida.

OITENTA MIL PERSOAS CONTRA A REFORMA DAS PENSIÓNS

Imaxen da cabeceira da manifestación en Xinzo de Límia.

O sindicalismo nacionalista dá unha resposta contundente ao intento do governo español de impor unha reforma que supón un importante retroceso nos direitos dos traballadores e traballadoras.

A FRUGA participou activamente en todas e cada unha das mobilizacións convocadas.

Compostela, 28 de xaneiro de 2011.- Malia à oposición e boicote das centrais sindicais españolas, a xornada de protesta de onte foi un éxito que certifica a fortaleza do sindicalismo nacionalista na Galiza. Nunha xornada histórica, centos de labregos acudiron às distintas manifestacións que percorreron o País, conscientes de que a reforma amparada por UGT (e, polo tanto, a sua filial agrária, UUAA) e CCOO supón un importante retroceso nos direitos adquiridos polos traballadores e traballadoras, que nos retrotrae a hai mais de cincuenta anos e que fará que cheguemos mais vellos/as e mais pobres à idade de xubilación.

Desde a FRUGA felicitamos à nosa organización operária irmá, a CIG, polo importate esforzo mobilizador e concienciador realizado, e amosamos, mais unha vez, a nosa enteira disposición, como non pode ser doutra maneira sendo unha organización a nosa integrada por labregos/as e gandeiros/as, a colaborar activamente na loita en defensa dos traballadores e traballadoras deste País.