Federación Rural Galega – Página 103 – A ferramenta do rural galego

FRUGA SÚMASE AO ACTO PÚBLICO DO 17 DE SETEMBRO EN SANTIAGO DE COMPOSTELA CONTRA A REFORMA DA CONSTITUCIÓN IMPOSTA POLO PSOE E O PP E FAI UN CHAMAMENTO Á XENTE DO MUNDO RURAL A PARTICIPAR NO ACTO.

14/09/201113/09/2011 por fruga

A mesma Constitución que resulta intocábel cado se trata de reclamar o direito à autodeterminación dos povos do Estado é reformada dun dia para outro, sen ter en conta a opinión da sociedade, para contentar ao grande capital.

O mundo rural será novamente un dos que máis sufra as consecuencias da reforma cos previsíbeis recortes nos servizos públicos e nos servizos sociais.

Compostela, 13 de setembro de 2011.- A Federación Rural Galega, FRUGA, é unha das asociacións convoncantes da concentración que o vindeiro sábado 17 de setembro ás 18:00 horas vaise celebrar na Praza da Quintana en Santiago de Compostela en contra da reforma da Constitución. Desde FRUGA entendemos, e así foi explicitado sen ningún tipo de rubor polo PP e o PSOE, que esta reforma ten como único obxectivo satisfacer aos “mercados”, isto é, ao capital financeiro-especulativo responsábel da situación de crise na que nos atopamos, e que non vai axudar a saír deste estado nin mellorar a situación na que se atopa a maioría do pobo, en especial o do mundo rural.

Ler mais

Share on Tumblr

A FRUGA CONSEGUE DESBLOQUEAR AS NOVAS APROBACIÓNS E AMPLIACIÓNS DE COMPROMISOS DA CAMPAÑA 2010 NO CONTRATO DE EXPLOTACIÓN SUSTENTABLE

02/09/201101/09/2011 por fruga

OLYMPUS DIGITAL CAMERA — Elias Somoza Regueiro, responsábel dos Sectores Gandeiros da FRUGA e gandeiro de Sárria, Manuel Nuñez Monxardin, membro da Dirección e gandeiro da Fonsagrada, xunto co técnico da FRUGA Lois Martínez Taboada, visibelmente satisfeitos durante a rolda de prensa convocada en Lugo

A Consellería do Medio Rural publicou recentemente no DOG o reaxuste orzamentar inicial para facer frente a estes pagamentos.

A FRUGA ficou soa na defensa das mais de 800 explotacións que ven agora recompensada a perseverancia na defensa dunhas axudas usurpadas por unha administración que non confia nos modelos de produción sustentable.

Lugo, 1 de setembro de 2011.- O Contrato de Explotación Sustentable (CES), enmárcase no Programa de Desenvolvemento Rural de Galicia para o período 2007-2013, destinado á mellora do medio ambiente e do entorno rural e para o uso sostible das terras agrícolas. Inclúe diversas axudas dirixidas a remunerar aos agricultores polas funcións territoriais, sociais e ambientais que se derivan de determinados sistemas agrícolas e gandeiros, pretendendo tamén reforzar a sostibilidade das explotacións.

Ler mais

Share on Tumblr

A AGV informa en multitudinarias reunións sobre a vendima próxima na DO Rías Baixas

01/09/2011 por fruga

asambleas2-1024x680 — Imaxes da asemblea

A Asociación, que agrupa aos produtores e produtoras vitícolas de FRUGA, estase a converter no principal referente entre as xentes do sector.

Organizaronse reunións informativas en San Miguel de Tabagón (Subzona do Rosal) e en Arbo (Subzona do Condado) onde asistiron mais de 200 viticultores/as e nas que os responsables da AGV na DO Rías Baixas, Jorge Cardoso (Coordinador da AGV no Rosal), Antonio Álvarez (Coordinador no Condado e vocal do Consello Regulador) e Roberto Rivas (Presidente da AGV e vocal do Consello Regulador) expuxeron o posicionamento da Asociación diante dos acordos do Consello Regulador sobre aumentos de rendementos e a necesidade de renovar os contratos homologados para as próximas campañas.

Ler mais

Share on Tumblr

FRUGA PÍDELLE Á XUNTA QUE RINDA CONTAS ANTE A SITUACIÓN INSOSTIBLE QUE SOFRE ALIMENTOS LÁCTEOS S.A. E QUE NON REPITA OS MESMOS ERROS NAS NEGOCIACIÓNS PARA A ADQUISICIÓN DE CLESA

31/08/2011 por fruga

A Federación Rural Galega atribúe, en boa medida, os baixos prezos do leite que están a percibir os produtores galegos (arredor de 3 céntimos de euro menos por litro que no resto do Estado e de case 5 céntimos menos que a media europea) á inestabilidade da empresa promovida polo goberno galego, Alimentos Lácteos S.A., que acumula importantes débedas e que afronta unha fonda crise debido a diverxencias internas.
Así mesmo, e en referencia ás xestións que poderían levar a que diversas cooperativas se fagan coa fábrica de Clesa de Caldas de Reis, FRUGA insta á Xunta a apoiar decididamente, e neste caso sen exclusións, un proxecto empresarial de base cooperativa que sirva para fortalecer o tecido industrial do país e para mellorar os prezos percibidos en orixe polos produtores.

Ler mais

Share on Tumblr

FRUGA DENÚNCIA DIANTE DA XUNTA OS CONTÍNUOS RETALLAMENTOS NAS AXUDAS AO RURAL GALEGO

05/08/201105/08/2011 por fruga

Esta actitude da Xunta do Partido Popular pon en xaque a un grande número de explotacións, especialmente a aquelas que optaron por un modelo máis sustentábel e respeitoso co medio ambiente, e a aquelas situadas en zonas de montaña ou desfavorecidas. Estes retallamentos afectan tamén a servizos básicos para o rural, como o coidado de maiores, as escolas rurais ou as brigadas de prevención de lumes artelladas desde as comunidades de montes.

Compostela, 4 de agosto de 2011.- Perto dun cento de gandeiros e gandeiras de distintas comarcas da Galiza, asi como distintos axentes sociais vencellados ao rural galego, deron-se cita na mañá de onte para protestar diante daXunta pola política de marxinación do rural que está levando a cabo o PP de Galiza con Feixó e Juarez à cabeza. En nome dunha suposta “austeridade” está-se a facer desaparecer ou simplemente descapitalizar distintas liñas de axuda imprescindíbeis para a pervivéncia do noso medio rural. Noutros casos, partidas xá aprovadas e mesmo comunicadas aos e às beneficiárias das mesmas son inxustificadamente reducidas, sen que a Consellaria informe de onde están indo a parar eses cartos, a sua meirande parte procedentes da UE. Ao final da concentración ,e tras a intervención do Presidente da FRUGA procedeu-se a rexistrar o escrito que a continuación reproducimos, dirixido ao Presidente da Xunta

Ler mais

Share on Tumblr