Tras a vemdima recomezamos a andaina de Cursos de Cata, e temos xa programados 8 ata fins de ano dentro da oferta de CIG-FORGA, e anunciamos un en especial en Melide, que coa colaboración da Casa Alongos, en especial da súa responsable Conchi Casares, e o Concello de Melide que nos cede o uso do Centro Multiusos, podremos difundir os nosos viños nun punto importante do Camiño de Santiago e que sempre destacou polo consumo vínico ao ser un sitio tradicional de polbeiras e churrasquerías. O curso vai ser impartido por José Luís Fernández, experto enotécnico e elaborador do Ribeiro e que xa ten participado en outros eventos da AGV. O curso se divide en iniciación, viños brancos e viños tintos, hai unh avaliación final teórica e práctica, en xeral seran catados sobre 18 viños das diferentes DO galegas e que pertencen a adegas da AGV. Temos que falar tamén da Casa Alongos e o que representa na difusión dos viños galegos, esta empresa familiar nace no ano 1952, comercializando daquela viño do Ribeiro, a partires da que foron acollendo novas referencias relacionada co mundo
ecolóxico, como outros viños galegos con Denominación de Orixe: Ribeira Sacra, Valdeorras e Rías Baixas; legumes ecolóxicas, conservas vexetais, zumes ecolóxicos e infusións. Casa Alongos non só vende productos ecolóxicos, senón que tamén difunde un siste
ma de consumo responsable, baseado nun compromiso co entorno no que vive, actuando como dinamizador de produtores e consumidores, non existindo máis intermediarios que encarezan o produto.
Froito do anterior foi a organización dun evento especial no que foi convidada a AGV, que foron os “Viños y Sentidos 2011”, e que tiveron lugar o pasado 6 de xuño nas instalacións de Casa Alongos, foron degustados unha escolma de viños do país, e tamén unha degustación de creacións gastrónomícas de vangarda con Mónica Novas, e o acompañamento musical de Cardigan Bridge. Participou no evento entre outros Roberto Rivas como Presidente da AGV, Todd Blomberg como afamado viticultor ecolóxico do Salnés e Roberto Regal que é enólogo e viticultor da Ribeira Sacra.
Video do programa A Solaina que falou do evento e onde aparece Roberto Rivas, Presidente da AGV.